Born To Die

ალბომის შექმნის ისტორია

2008 წელს დელ რეიმ, ლიზი გრანტის სახელით, გამოუშვა სამტრეკიანი EP სახელწოდებით "Kill Kill", რასაც 2010 წელს მოჰყვა მისი სადებიუტო სრული ალბომი "Lana Del Ray". ეს იყო მომღერლის პირველი პროფესიონალური ნამუშევარი, რომელიც დამოუკიდებელ ლეიბლსა და პროდიუსერ დევიდ კანესთან თანამშრომლობით შეიქმნა. დელ რეი იხსენებს:

"David asked to work with me only a day after he got my demo. He has been known as a producer with a lot of integrity and who had an interest in making music that wasn't just pop."

ალბომი მცირე ხნით ხელმისაწვდომი იყო iTunes-ზე, თუმცა მალევე გაყიდვიდან ამოიღეს. ეს მას შემდეგ მოხდა, რაც ლანამ ახალ მენეჯერებთან, ბენ მოუსონთან და ედ მილეტთან დაიწყო თანამშრომლობა. მათ დაეხმარნენ მომღერალს ლეიბლ 5 Points Records-ისგან უფლებების გამოსყიდვაში, რამაც ალბომის ტირაჟირება შეაჩერა.

2010 წლის დასაწყისში დელ რეი საცხოვრებლად ლონდონში გადავიდა, სადაც აქტიურად დაიწყო მუშაობა ახალ მასალაზე სხვადასხვა პროდიუსერებთან ერთად. მომღერლის თქმით, ამ პერიოდში მან 70-ზე მეტი სიმღერა დაწერა. 2010 წლის ივნისში გამოქვეყნებულ ინტერვიუში უკვე აღნიშნული იყო, რომ ლანა სტუდიაში თავის მომავალ ალბომზე მუშაობდა. ამ ჩანაწერების ნაწილს ის YouTube-სა და SoundCloud-ზე აზიარებდა, რამაც თანდათან დიდი ყურადღება მიიპყრო.

2011 წლის ივნისში ლანამ გააფორმა კონტრაქტი Stranger Records-თან სინგლისთვის "Video Games", ხოლო მოგვიანებით, ივლისში, მასშტაბური ერთობლივი შეთანხმება გააფორმა Interscope Records-სა და Polydor Records-თან. "The Observer"-თან ინტერვიუში დელ რეიმ გაამჟღავნა:

"I just put that song online a few months ago because it was my favourite. To be honest, it wasn't going to be the single but people have really responded to it. I get very sad when I play that song. I still cry sometimes when I sing it."

სულ რაღაც ერთ თვეში სიმღერა YouTube-ზე ვირუსულად გავრცელდა. მალევე ცნობილი გახდა, რომ მომღერალი თავის მეორე სტუდიურ ალბომს 2012 წლის იანვარში გამოუშვებდა. ფრანგულ ტელეშოუ "Taratata"-ში სტუმრობისას ლანამ დაადასტურა, რომ ალბომს დაერქმეოდა "Born to Die".